«Манчестер Сити» Абдукодир Хусановтың трансферіне қатысты шешімін айтты

«Ланс» Хусановты қайтармақ болды ма?

Әлеуметтік желіде өзбекстандық бірқатар ресурс «Ланс» басшылығы «Манчестер Ситимен» байланысып, Хусановты маусым соңына дейін жалға алуға тырысты деген ақпарат тараған. Алайда Allez Lens мәліметінше, Хусановтың «Лансқа» қайта оралуы туралы мәселе мүлде талқыланбаған.

Француз порталы екі негізгі себепті келтіреді:

1. «Манчестер Ситидің» позициясы анық: Хусанов биыл қыста клубтан кетпейді.
2. «Ланс» бапкерлік штабы ұзақ мерзімге жарақат алған Джонатан Градиге байланысты міндетті түрде «ТОП деңгейдегі» ойыншы іздеп отырған жоқ. Командадағы баламалар (соның ішінде Исмаэло Ганиу, қажет болса Маланг Сар) бұл рөлді уақытша жаба алады деген пікір айтылады.

«Ливерпульден» 50 млн еуро ұсыныс болды ма?

Allez Lens жазуынша, «Манчестер Сити» тарапынан аренда да болмайды, тіпті сату да қарастырылмайды деген сигнал берілген. Тіпті «Ливерпуль» Хусанов үшін 50 миллион еуро ұсынуға дайын деген болжам айтылса да, бұл мәміле қыста жасалмайды делінген.

Еске салайық, Абдукодир Хусанов «Манчестер Ситиге» биыл қаңтарда «Ланстан» ауысқан. Ақпаратқа сай, оның трансферлік құны 40 млн фунт шамасында бағаланған. Қазіргі маусымда ол АПЛ-де 5 матчқа қатысқан.