Ислам Чесноков Шотландия астанасына жетті

Қазақстан құрамасының шабуылшысы Ислам Чесноков Шотландияның астанасы Эдинбургке келді. Жақын арада ол «Хартс» клубының басшылығымен келіссөз жүргізбек.

Футболшы Эдинбургке Нидерландының Амстердам қаласынан ұшып келген. Алайда рейс бірнеше сағатқа кешігіп жеткені белгілі болды.

Осы күні «Хартс» өз алаңында «Ливингстонды» 1:0 есебімен жеңіп, Шотландия Премьер-лигасындағы көшбасшылық орнын сақтап қалды. Қазіргі таңда команда 44 ұпай жинаса, ең жақын қуғыншылары — «Селтик» пен «Рейнджерс» 38 ұпаймен келеді.

Еске сала кетейік, өткен маусымда Ислам Чесноков «Тобол» сапында барлық турнирлерде 29 матч өткізіп, он гол соғып, бес нәтижелі пас берді. Сондай-ақ ол Қазақстан Кубогының иегері атанды.