Грузия құрамасының ойыншысы Гиорги Зария "ақ-қызылдар" сапына өтпейтін болды.
Грузиялық футболшы Гиорги Зария «Ақтөбе» клубына ауыспайды, деп хабарлайды Amanvibe.kz.
28 жастағы шабуылдаушы жартылай қорғаушы бұған дейін алматылық «Қайраттан» келісімшартты ұзарту жөнінде ұсыныс алмаған және қазіргі уақытта еркін агент мәртебесінде.
«Ақтөбе» Қазақстан Премьер-Лигасының өткен маусымында 18 матч өткізіп, бес гол соққан ойыншыға қызығушылық танытпай отыр. Ақтөбе клубының басшылығы басқа үміткерлерге басымдық беріп, солардың бірін келесі аптада ресми түрде жариялауды жоспарлап отыр.
Естеріңізге салсақ, алматылық клубтың сапында жақсы өнер көрсеткені үшін, өз тарихында алғаш рет Грузия ұлттық құрамасынан былтыр шақырту алған еді.
