"Тобыл" шабуылшысы мансабын Өзбекстанда жалғастырмақ

Қостанайлық «Тобыл» футбол клубы шабуылшы Шохбоз Умаровтың командадан кеткенін ресми түрде хабарлады.

26 жастағы өзбекстандық форвард енді мансабын туған елінде жалғастырады. Ол Ташкенттің «Бунёдкор» клубымен келісімшартқа отырды. Transfermarkt порталының дерегінше, футболшының нарықтық құны 300 мың еуро деп бағаланады.

«Тобылдағы» кезеңі

Шохбоз Умаров «Тобылға» 2025 жылы «Тураннан» ауысқан болатын.

ҚПЛ-2025 маусымында ол:

• «Тобыл» сапында 5 матч өткізді;
• жалпы чемпионатта 15 ойынға қатысып, 1 гол соқты.

Айта кетейік, қостанайлық клуб өткен маусымда Қазақстан Премьер-Лигасының қола жүлдегері атанды.

Умаров бұған дейін «Ордабасы», Беларусьтің «Энергетик-БГУ» және БАТЭ клубтарында өнер көрсетті. Сонымен қатар, Өзбекстанның АГМК командасында доп тепті.

Оқи отырыңыздар: 

"Ақтөбе" "Қайраттың" экс-ойыншысынан бас тартты

Қазақстанда халықаралық стандартқа сай кезекті стадион салынады

"Астана" көшбасшысы РПЛ клубына ауысты