Қазақстан құрамасының қақпашысы Бекхан Шайзада «Ордабасы» клубымен келісімшартын ұзартты.
Клубтың баспасөз қызметінің хабарлауынша, 27 жастағы шымкенттік қақпашы командада қала береді. Шайзада жанкүйерлер үшін айрықша футболшыға айналып, ұжымның рухына әрдайым үлес қосып жүргені атап өтілді. Сондай-ақ клуб оның алдағы мақсаттарға жетудегі рөлі маңызды екенін жеткізді.
Айта кетейік, Бекхан Шайзада кәсіби мансабының барлығын «Ордабасы» сапында өткізген. Өткен маусымда ол барлық турнирде 24 матчқа қатысып, 26 гол жіберді. Transfermarkt порталы футболшының құнын 500 мың еуро деп бағалап отыр.
Ал «Ордабасы» былтырғы маусымда ҚПЛ-де 35 ұпай жинап, турнир кестесінде 7-орынға тұрақтаған еді.
