Алдағы мундиальда Роналду 2026 жылғы әлем чемпионатында кез келген рөлге дайын екенін мәлімдеді.
Сауд Арабиясының "Аль-Наср" клубында өнер көрсететін, Португалия құрамасының капитаны Криштиану Роналду алдағы әлем чемпионатында негізгі құрамда алаңға шықпау мүмкіндігін жоққа шығармайтынын айтты.
Мәліметтерге қарағанда, 41 жастағы шабуылшы бас бапкер Роберто Мартинес команда мүддесі үшін өзге шешім қабылдаса, қосалқы құрамда қалуға дайын. Роналду өзіне тұрақты түрде негізгі орын талап етпейтінін және ұлттық құраманың жетістігін жеке амбициясынан жоғары қоятынын жеткізген.
Португалия 2026 жылғы әлем чемпионатына іріктеу кезеңін сәтті аяқтап, F тобында 13 ұпаймен көш бастады және мундиальға тікелей жолдама алды. Келесі жылы АҚШ, Мексика және Канадада өтетін әлем біріншілігінде португалиялықтар Өзбекстан және Колумбия құрамаларымен бір топта сынға түседі. Топтағы тағы бір құрама плей-офф ойындарынан кейін белгілі болады.
Осы маусымда Роналду "Аль-Наср" сапында барлық жарыстарда 23 кездесуге қатысып, 19 гол соғып, үш ассист авторы атанды.
