"Каспий" Франция чемпионатынан шабуылшы алды
Ақтаудың "Каспий" ФК құрамын шетелдік футболшымен толықтырды.
Кеба Силла – “Каспий” ойыншысы
Қазақстан Премьер-лигасында өнер көрсететін “Каспий” жаңа шабуылшымен келісімге келді. Клубтың баспасөз қызметі 27 жастағы франциялық форвард Кеба Силланың командаға қосылғанын хабарлады.
Футболшы бұған дейін Франция чемпионатында “Ним Олимпик” клубының намысын қорғаған. Енді маңғыстаулық ұжымның жейдесін киіп, Қазақстан біріншілігінде өнер көрсетеді.
Форварды несімен ерекшеленеді?
Клуб мәліметінше, Кеба Силла – орталық шабуылшы позициясында ойнайтын футболшы. Жылдамдығымен, шабуылдағы белсенді қимылымен және қарсылас қақпасына қауіп төндіре алатын қасиетімен ерекшеленеді.
Кеба Силла Қазақстанға келгенге дейін тек Франция клубтарында өнер көрсеткен. Оның мансабында бірнеше команда бар.
Атап айтқанда, шабуылшы мына клубтарда ойнаған:
- “Вильфранш-Божоле”;
- “Бержерак Перигор”;
- “Тулон”;
- “Раон-Этап”;
- “Имфи-Десиз”;
- “Олне”;
- “Ним Олимпик”.
Соңғы маусымдағы көрсеткіші
Қазіргі маусымда Кеба Силла 29 матчқа қатысып, 7 гол соқты. Сондай-ақ ол әріптестеріне 2 нәтижелі пас берген.
Белгілі Transfermarkt порталы Кеба Силланың нарықтық құнын 75 мың еуроға бағалап отыр.