Ресми: Зинедин Зидан - Франция құрамасының бас бапкері
54 жастағы маманмен келісімшарт 2030 жылға дейін есептелген.
Франция құрамасында жаңа дәуір басталды. Елдің футбол федерациясы ұлттық команданың бас бапкері қызметіне Зинедин Зиданды тағайындады.
Зинедин Зидан бұл қызметте Дидье Дешамды алмастырды. Дешам Франция құрамасындағы жұмысын 2026 жылғы әлем чемпионатынан кейін аяқтаған болатын.
Әлем чемпионатында Франция құрамасы жартылай финалға дейін жетті. Үшінші орын болған кездесуде француздар Англиядан 4:6 есебімен жеңіліп қалды.
Зиданның соңғы жұмыс орны "Реал" болды
Зинедин Зиданның бапкер ретіндегі соңғы клубы мадридтік "Реал" болды. Ол испаниялық клубтан 2021 жылы кеткен еді.
Француз маманы "Реалды" екі кезеңде басқарды: алғаш рет 2016-2018 жылдары, кейін 2019-2021 жылдары команда тізгінін ұстады.
Зидан "Реалдағы" екі кезеңінде жалпы 11 трофей жеңіп алды.
Оның басшылығымен мадридтік клуб үш рет Чемпиондар лигасында топ жарды. Сонымен қатар "Реал" екі рет Испания чемпионатын, екі рет Испания Суперкубогын, екі рет УЕФА Суперкубогын және екі рет клубтық әлем чемпионатын жеңіп алды.