Сәтпаевтың голынан кейінгі Хаби Алонсоның реакциясы жарияланды (ВИДЕО)
Лондондық “Челси” клубы Қазақстан құрамасының шабуылшысы Дастан Сәтпаевтың алғашқы голынан кейін бас бапкер Хаби Алонсоның реакциясын көрсетті.
Клубтың ресми әлеуметтік желілерінде жарияланған видеода Сәтпаевтың нәтижелі шабуылы мен оны сырттай бақылап тұрған Алонсоның эмоциясы қатар көрсетілген. Қазақстандық футболшы австралиялық “Вестерн Сидней Уондеререрс” қақпасына гол соғып, команданың 6:4 есебімен жеңіске жетуіне үлес қосты.
Дастан Сәтпаев қазір “Челсидің” негізгі құрамымен бірге маусым алдындағы оқу-жаттығу жиынына қатысып жүр. Лондондық клуб келесі жолдастық кездесуін ертең, 1 тамыз күні Сиднейдегі “Аккор” стадионында “Тоттенхэмге” қарсы өткізеді.
Жанкүйерлер Сәтпаевтың командада қалуын қолдады
Сонымен қатар, GiftedHands атты “Челсидің” танымал фан парақшасы Хаби Алонсодан Дастан Сәтпаевты негізгі құрамда қалдыруды шақырды.
“Мен Дастан Сәтпаевтың талантын ескере отырып, оның "Челсиде" қалып, әрі қарай дамығанын қалаймын. Қазір командада шабуылшылар көп болса да, Хаби Алонсо оны құрамда сақтап қалады деп үміттенемін”, – деп жазды парақша авторы.
Аталған X-парақшаның 25 мыңнан астам оқырманы бар. Сәтпаевтың дебюттік голынан кейін Хаби Алонсо да қазақстандық футболшының ойынына оң баға берген болатын.