"Қайрат" ҚПЛ-дың орталық матчында "Астанаға" есе жіберді
Футболдан Қазақстан Премьер-лигасының 27-турында "Астана" өз алаңында алматылық "Қайратты" қабылдады.
Қызыл қағаз ойын барысына әсер етті
Матчтың 10-минутында "Қайрат" ойыншысы Әділет Садықбеков өрескел тәртіп бұзғаны үшін алаңнан қуылды. Осылайша алматылық команда кездесудің басым бөлігін он футболшымен өткізуге мәжбүр болды.
Арада төрт минут өткенде алаң иелері есеп ашты. Карло Бартолец оң қапталдан айып алаңына дәл пас шығарып, Рамазан Кәрімов допты баспен қақпаға бағыттады.
"Астана" басымдығын арттыра алмады
Сан басымдығына ие болған елордалықтар бірнеше мүмкіндік ұйымдастырғанымен екінші голды соға алмады. Ал "Қайрат" бір ойыншысы кем болғанына қарамастан соңғы минуттарға дейін таразы басын теңестіруге тырысты.
Дегенмен алаң иелері қорғаныста қателеспей, 1:0 есебін финалдық ысқырыққа дейін сақтап қалды.
27 турдан кейін "Қайраттың" еншісінде 57 ұпай бар. Алматылық клуб чемпионат кестесінде екінші орында келеді. Көш басында "Ордабасы" тұр. "Астана" 48 ұпай жинап, үшінші сатыға орналасты.
Келесі турда "Қайрат" Талдықорғанның "Жетісуын" қабылдайды. Ал "Астана" Қостанайда "Тобылмен" кездеседі.
Қайрат 2-орын