Жұмыссыз қалған Оразбахтин енді немен айналысатыны айтылды

Алматылық "Қайраттың" бұрынғы бас бапкері Рафаэль Оразбахтин қызметінен кеткеннен кейін бапкерлік мансабына уақытша үзіліс жасауды жоспарлап отыр.
Дереккөз мәліметінше, 47 жастағы маман алдымен біраз демалып, содан кейін ғана шетелдік клубтардан түсетін ұсыныстарды қарастыруы мүмкін.

"47 жастағы маман футболдан аздап демалып, содан кейін Қазақстаннан тыс жерде мансабын жалғастырудың ықтимал нұсқаларын зерттеуді көздейді. Сондықтан жақын уақытта Оразбахтин қазақстандық клубтардың бірін басқармайды", – деп жазады дереккөз.

"Қайратты" ҚПЛ "күмісіне" жеткізді

Биыл Рафаэль Оразбахтин "Қайратпен" Қазақстан Премьер-лигасының күміс жүлдесін иеленді. Алматылық клуб ел чемпионатын екінші орынмен аяқтады.

Сонымен қатар "Қайрат" УЕФА Конференциялар лигасының жалпы кезеңінде өнерін жалғастыруда. 

Оразбахтиннен кейін команданы уақытша басқа маман басқарып отыр, ал бұрынғы бас бапкер әзірге жаңа жұмысқа асықпай, мансабының келесі кезеңін таразыламақ.