"Ақтөбе" бас бапкерге қатысты шешім қабылдады
Клуб басшылығы ресейлік-тәжікстандық маманға сенім артып отыр.
"Ақтөбе" футбол клубы келесі маусымда да Игорь Черевченкомен жұмысын жалғастыруды жоспарлап отыр.
"Серый CARDINAL" Telegram-арнасының мәліметінше, клуб басшылығы ресейлік-тәжікстандық маманға сенім білдіріп, оны басқа бапкерге ауыстыруды қарастырып отырған жоқ.
"Біздің ақпаратымыз бойынша, "Ақтөбе" футбол клубының бас бапкері Игорь Черевченко "қызыл-ақтармен" жұмысын жалғастырады", – деп жазады арна.
Бапкерге ота жасалады
Черевченкоға тізесіне операция жасалуы тиіс. Осыған байланысты оның желтоқсанда Түркияда өтетін оқу-жаттығу жиынына қатысуы хирургиялық араласудың күрделілігі мен қалпына келу мерзіміне байланысты болмақ. Дереккөздің мәліметінше, егер Черевченко Түркиядағы жиынға бармаса, бұл тек медициналық себептермен байланысты болады.
"Ақтөбе" басшылығы Черевченконы қызметінен босатуды немесе оның орнына басқа маман іздеуді жоспарлап отырған жоқ.
"Ақтөбе" маусымды бесінші орында аяқтады
2026 жылғы Қазақстан Премьер-лигасында "Ақтөбе" 49 ұпай жинап, турнир кестесінде бесінші орынға ие болды.
Енді клуб жаңа маусымға дайындықты Черевченконың жетекшілігімен жалғастыруды көздеп отыр.
Ақтөбе 5-орын