"Қайраттың" бұрынғы футболшысы министр болуы мүмкін еді
Экс-футболшының бұрынғы азаматтық жары оның жоғары қызмет атқаруына қажет қасиеттері болғанын айтты.
Ресейлік тележүргізуші Юлия Барановская Андрей Аршавин футболдан бөлек мемлекеттік қызметте де жоғары деңгейге көтеріле алатын еді деп есептейді.
"Лотос Медиаға" берген сұхбатында экс-футболшының бұрынғы азаматтық жары оның жоғары қызмет атқаруына қажет қасиеттері болғанын айтты.
Барановская Аршавиннің әлеуетін қысқа әрі өткір сипаттады.
"Мемге емес, министрге айнала алар еді", – деді ол.
Оның пікірінше, бұрынғы футболшының мінезі мен қабілеті мемлекеттік қызметте де табысқа жетуге мүмкіндік берер еді.
Аршавин мансабын Қазақстанда аяқтады
Андрей Аршавин ресейлік футболдың ең танымал ойыншыларының бірі саналады.
Ол мансабында "Зенит", Лондонның "Арсенал" клубы және Ресей құрамасында ойнады. Ал кәсіби мансабының соңғы кезеңін Қазақстанда өткізді.
2016 жылы Аршавин Алматының "Қайратына" қосылып, 2018 жылдың соңына дейін клуб сапында өнер көрсетті.
Осы уақыт ішінде ол Қазақстан чемпионатында 84 матч өткізіп, 23 гол соқты және 30 нәтижелі пас берді.
"Қайратпен" бірнеше жүлде жеңіп алды
Аршавин алматылық клубпен бірге Қазақстан кубогын екі рет жеңіп алды. Сондай-ақ бір мәрте Қазақстан Суперкубогының иегері атанды.
Дәл Алматыда Андрей Аршавин кәсіби футболдағы мансабын аяқтады.
Қайрат 2-орын