ҚХЛ "Барыстың" алғашқы матчтарына қатысты шешім қабылдады

ҚХЛ жаңа маусым алдындағы күнтізбеге өзгеріс енгізді. Астаналық "Барыстың" қыркүйек айында өз алаңында өтетін үш матчы бұрын жоспарланған уақыттан ертерек басталады.

• "Барыс" — "Сібір" матчы ертерек басталады

7 қыркүйек күні өтетін "Барыс" — "Сібір" кездесуі бастапқыда Қазақстан уақытымен 19:30-ға жоспарланған еді.

Жаңа шешім бойынша бұл ойын 19:00-де басталады.

• "Салават Юлаевпен" ойын уақыты да өзгерді

9 қыркүйек күні "Барыс" өз алаңында Уфаның "Салават Юлаев" клубын қабылдайды.

Бұл матч та 19:30-дан 19:00-ге ауыстырылды.

• "Амурға" қарсы кездесу 16:30-да өтеді

12 қыркүйек күні астаналық клуб Хабаровскінің "Амур" командасымен ойнайды.

Бастапқыда кездесу 17:00-де басталуы тиіс болған. Енді матч Қазақстан уақытымен 16:30-да өтеді.

Өзгеріс не үшін енгізілді?

ҚХЛ мәліметінше, матчтардың басталу уақыты телевизиялық трансляцияны ұйымдастыру мақсатында өзгертілген.

Ойындар "ҚХЛ ТВ" арналары арқылы көрсетілуі үшін лига осындай шешім қабылдаған.

Айта кетейік, жаңа маусым басталар алдында "Барыс" екі оқу-жаттығу жиынын өткізеді.

Бірінші жиыннан кейін команда 17-20 тамыз аралығында Башқұртстан Республикасы кубогына қатысады. Кейін 27-30 тамыз күндері Николай Пучков турнирінде өнер көрсетеді.

Дайындықтың екінші кезеңінен соң "Барыс" ҚХЛ чемпионатындағы ресми ойындарын бастайды.