ҚХЛ-де үздік үштікке кірген "Барысты" алда не күтіп тұр?

Жуырда астаналық "Барыс" ҚХЛ тұрақты чемпионатында Екатеринбургтің "Автомобилист" клубын ірі есеппен жеңіп, турнир кестесіндегі жағдайын жақсартты.

Михаил Кравец шәкірттері өз алаңында 4:1 есебімен басым түсті. Кезеңдер бойынша есеп – 1:0, 1:1, 2:0.

"Барыс" үшінші орынға шықты

Бұл жеңістен кейін астаналық команда Шығыс конференциясының турнир кестесінде үшінші орынға көтерілді.

"Барыс" жоғары тұрған "Нефтехимикпен" бірдей көрсеткішке жақын болғанымен, қосымша көрсеткіштер бойынша қарсыласынан кейін орналасып тұр.

Енді елордалық клубты сырт алаңдағы ойындар сериясы күтіп тұр. 

• 17 қазан – "Сібір";
• 19 қазан – "Амур";
• 21 қазан – "Адмирал";
• 26 қазан – "Автомобилист";
• 28 қазан – "Динамо" Минск;
• 30 қазан – "Шанхайские Драконы";
• 4 қараша – "Трактор";
• 6 қараша – "Адмирал";
• 8 қараша – "Амур".