Филиппиннің Пасиг қаласында әйелдер арасындағы волейболдан Азияның тұңғыш Чемпиондар лигасы жалғасып жатыр. Турнирдің алғашқы ширек финалында Қазақстан чемпионы "Жетісу" алаң иелері — PLDT клубын айқын басымдықпен жеңіске жетті.
Талдықорғандық ұжым үш партияның бәрінде басымдықты уысынан шығармай, кездесуді 3:0 есебімен аяқтады — (25:13, 25:22, 25:20).
Бұл жеңіс "Жетісу" клубын тарихи турнирдің жартылай финалына алып шықты.
Жартылай финалда қазақстандықтар Таиландтың "Накхонратчасима" командасы мен Филиппиннің Creamline Cool Smashers арасындағы жеңімпазбен кездеседі.
Айта кетейік, Creamline сапында Қазақстан волейболшысы Анастасия Коломоец өнер көрсетіп жүр.
Турнир финалына шыққан екі команда әйелдер арасындағы Клубтар арасындағы әлем чемпионатына жолдама алады.
