Диас Ахметшәріптің жағдайы белгілі болды

Маңғыстау облыстық Денсаулық сақтау басқармасының мәліметінше, қазір журналист ауыр халде жансақтау бөлімінде жатыр.

"Жағдайы дәрігерлердің бақылауында. Басқа ақпарат науқастың туыстарының рұқсатынсыз жарияланбайды", – делінген хабарламада.

Диас Ахметшәріп инсульт алып, жансақтау бөліміне түскен.

Ол мемлекеттік Qazsport телеарнасының алғашқы директоры болды, сондай-ақ "Insport" телеарнасының бас редакторы қызметін атқарды.

2003 жылдан 2007 жылға дейін спорт және туризм істері агенттігінің баспасөз қызметінің жетекшісі, баспасөз хатшысы қызметін атқарды.

Кейінгі жылдары Диас Ахметшәріп түрлі мемлекеттік органдарда баспасөз хатшысы болып жұмыс істеді.