Қазақстандық танымал волейболшы Сәбина Алтынбекова жеке өміріне қатысты тың мәліметпен бөлісті. Спортшы Instagram парақшасында жаңа қызығушылығы мен сүйікті серігі туралы жариялады.
Сәбина соңғы жариялаған видеосында атқа мініп серуендеп жүрген сәтін көрсетті. Кадрларда спортшының өзін еркін әрі сенімді ұстайтыны байқалады. Атқа міну Сәбина үшін тек хобби емес, күнделікті өмірінің бір бөлігіне айналғандай.
Жазба астына волейболшы: "Мен және менің сүйіктім Абырой" деп жазған. Осылайша ол өз серігі — Абырой есімді тұлпарын көпшілікке таныстырды.
Сәбина 2025 жылғы маусымда Индонезияның "Yogya Falcons" клубы сапында өнер көрсетті. Бұл команда оның халықаралық деңгейдегі мансабын жаңа сатыға көтеріп, жанкүйерлерінің қатарын арттырды.
