Оңтүстік Кореяның Чечхон қаласында спорттық гимнастикадан Азия чемпионаты өтіп жатыр.
Жасөспірімдер арасында қос сырық жаттығуында Нұртаң Ыдырысов үздік нәтиже көрсетті. Ол ақтық сында 13.933 ұпай иеленді.
Күміс медаль жарыс қожайыны Ча Йеджунда (13.833 ұпай), үздік үштікті жапониялық Томохару Танида 13.333 ұпаймен түйіндеді.
Тағы бір отандасымыз Роман Хегай жүлдеге бір табан жетпей тоқтады (13.233 балл).
Бұдан бөлек бүгін ат снарядындағы жаттығуда Хегай үздік нәтиже көрсеткен. Ал Нұртаң Ыдырысов осы сында күміс медаль және параллель брусьядағы жаттығуда бірінші орын алды.
