Сәбина Алтынбекова Қазақстаннан бас тартты

Жасөспірімдер құрамасындағы келіспеушіліктер

Сәбина Алтынбекова YouTube-тағы "Dinara Satzhan" арнасына берген сұхбатында 2014 жылы Қазақстан жастар құрамасында болған жағдайды еске алды.

"Маған бапкер тарапынан түсініксіз қарым-қатынас болды. Қай негізде ондай көзқарас пайда болғанын түсінбедім. Кейіннен сұхбаттар беріп, “ол ойнай алмайды, тек әдемілігі үшін назарда, жеңілістеріміздің себебі Сәбина” деген сөздер айтылды.

Әр жаттығудан соң жылап оралатынмын. Қонақүйде тұрып, бапкерге қоңырау шалып, “құрамада ойнағым келмейді, шаршадым” деп айтқан кездерім болды", – деді спортшы.

Ол бұл жағдайды ашық қақтығыс емес, "түсінбеушілік" деп атағанымен, психологиялық тұрғыдан қатты шаршағанын жасырмады.

Алтынбекованың ұлттық құрамадағы жолы

• 2013 жылы U-23 Азия чемпионатында Қазақстан жастар құрамасында дебют жасады;
• 2014 жылы Тайбэйде өткен U-19 Азия чемпионатынан кейін бүкіл Азияға танылды;
• 2013–2018 жылдар аралығында Қазақстан ұлттық құрамасының негізгі ойыншыларының бірі болды;
• 2018 жылдан кейін құрамаға тұрақты түрде шақырылмай қалды.