Ливерпульдегі әлем чемпионатында алтын медаль иеленген қазақстандық боксшы Алуа Балқыбекова елге оралған бойда әкесіне ерекше сый жасады.
Спортшы жақын адамын қуантуды жөн көріп, оған қымбат көліктің кілтін табыстады. Бұл жаңалықты блогер Бақытжан Ибрагим өзінің әлеуметтік желідегі парақшасында бөлісті.
Алуаның бұл қадамы көпшіліктің жүрегіне жылы тиді. Желі қолданушылары спортшыға алғысын жаудырып, әкесін қадірлеген қыздың ісіне ризашылығын білдірді:
«Әкеңізге мың алғыс, осындай қыз тәрбиелегені үшін!»
«Жарайсың, Алуа! Нағыз қыз деген осы ғой!»
«Әке махаббатына деген құрметің үлгі боларлық».
Айта кетейік, Алуа Балқыбекова Ливерпульде өткен әлем чемпионатының финалында түркиялық қарсыласын айқын басымдықпен ұтып, алтын жүлдеге қол жеткізді. Бұл жеңіс оның спорттық мансабындағы ең ірі табыстардың бірі ретінде тарихқа енді.
