Қазақстанның үздік шахматшыларының бірі Бибісара Асаубаева 2025 жылдың қорытындысын жасап, жанкүйерлеріне алғыс айтты.
Жыл соңында спортшылар үшін ең жауапты кезеңнің бірі – өткен маусымға көз жүгіртіп, жаңа мақсаттарды айқындау. Асаубаеваның әлеуметтік желідегі жазбасы да дәл осы көңіл күйді аңғартады. Ол 2025 жылы есте қалған кадрларды бөлісіп, жанкүйерлерінің қолдауын ерекше атап өтті.
Еске салайық, күні кеше Бибісара Асаубаева блиц шахматтан әлем чемпионы атанды. Әлемдік дода Катардың Доха қаласында өткен.
Финалда қазақстандық шахматшы украиналық Анна Музычукты жеңіп, шешуші партияларда мықтылығын дәлелдеді. Бұл нәтиже Асаубаеваның халықаралық аренадағы беделін тағы бір мәрте айқындады.
Бибісара үшін блиц – жеке брендіне айналған формат деуге болады. Себебі ол бұған дейін де 2021 және 2022 жылдары әлем чемпионатында топ жарып, алтын медаль алған еді. Ал 2025 жылғы чемпиондық – оның тұрақтылығы мен тәжірибесінің нақты көрсеткіші.
Маусымның тағы бір маңызды жаңалығы: ФИДЕ-нің әйелдер турнирлері циклінде (2024–2025 маусымы) Бибисара жалпы есепте бірінші орын иеленді. Бұл жетістік оған 2026 жылғы Үміткерлер турниріне тікелей жолдама алуға мүмкіндік берді.
Бибісараның 2025 жылғы көрсеткіші бірнеше тұрғыдан бағалы:
