Форвард қажетті құжаттардың бәрін тиісті органға тапсырып қойған. Шамамен бір айдан соң төлқұжатын алады.
«Аят» футзал клубының шабуылшысы Джефферсон Хосе дос Сантос (лақап аты — Жеже) Қазақстан азаматтығын алды. Осылайша, ұлттық құрама сапында ойнауға қашан мүмкіндік алатынын мәлімдеді.
Футзалшының айтуынша, барлық қажетті құжаттар тиісті органдарға өткізілген.
«Барлық құжатты тапсырып қойдым, қазір төлқұжатты күтіп отырмыз. Қазақстан құрамасының жейдесін киетін күнді асыға күтемін. Менің түсінуімше, төлқұжат шамамен бір айдың ішінде дайын болады. Қалай боларын уақыт көрсетеді», — деді Жеже.
Бұған дейін бразилиялық ойыншы Қазақстан құрамасында ойнауға ниетті екенін ашық айтқан еді.
«Қазақстан азаматтығын алатыныма өте қуаныштымын. Бұл ел маған қатты ұнайды және мен дұрыс таңдау жасағаныма сенімдімін. “Аят” клубының президенті натурализация туралы ұсыныс білдірді, мен оны қабылдадым», — деген болатын форвард.
Оқи отырыңыздар:
Латынамерикалық шабуылшы ҚПЛ клубына ресми түрде қосылды
"Ақтөбе" 36 жастағы ойыншымен келісімшартқа отырды
