Тау шаңғышылары Сара Шлепер мен оның ұлы Лассе Гахиола Италиядағы Олимпиада ойындарында өнер көрсетіп, әлем жұртшылығын таңқалдырды.
Қысқы Олимпиада ойындары тарихында бұрын-соңды болмаған оқиға тіркелді. Милан–Кортина-2026 бәсекесінде алғаш рет бір Олимпиада аясында анасы мен ұлы қатар өнер көрсетті.
Таңқаларлық жағдайдың тіркелуі тау шаңғышылары Сара Шлепер (46 жаста) мен оның ұлы Лассе Гахиолаға (18 жаста) арқасы.
Екі спортшы да АҚШ азаматы. Бірақ Италиядағы Олимпиадада Мексика құрамасының намысын қорғады.
Сара Шлепер үшін бұл Олимпиада мансабындағы жетінші ойын болды. Ол бірнеше онжылдық бойы әлемдік деңгейде өнер көрсетіп келе жатқан тәжірибелі спортшы. Десе де, биылғы байрақты бәсекеде жоғары нәтиже көрсете алмады. Спортшы жарысты іріктеу кезеңінде аяқтады.
Ал 18 жастағы Лассе Гахиола үшін Милан Олимпиадасы – алғашқы олимпиадалық старт. Жас спортшы бірден тарихи оқиғаның бір бөлігіне айналды.
Айта кетейік, спорт тарихында әке мен ұл немесе ағайынды спортшылардың бір Олимпиадада бақ сынаған кездері болған. Бірақ анасы мен ұлының бір мезетте қысқы Олимпиадаға қатысуы – алғаш рет тіркелген жағдай.
