Азиада-2026: Қазақстан Өзбекстаннан бес орын жоғары тұр
Қазақстан құрамасы Азия ойындарының екінші жарыс күнінен кейін жалпыкомандалық есептегі төртінші орнын сақтап қалды.
Қытай көш бастап тұр
Екі жарыс күнінің қорытындысы бойынша Қытай спортшылары айқын басымдықпен бірінші орында келеді. Олар 23 алтын, 10 күміс және бес қола жүлде жеңіп алды.
Медаль кестесіндегі үздік үштік:
- Қытай — 23 алтын, 10 күміс, 5 қола. Барлығы — 38 медаль.
- Жапония — 8 алтын, 12 күміс, 12 қола. Барлығы — 32 медаль.
- Оңтүстік Корея — 5 алтын, 3 күміс, 15 қола. Барлығы — 23 медаль.
Қазақстан төртінші орында келеді
Қазақстан құрамасы төрт алтын, бір күміс және үш қола жүлдемен төртінші сатыға жайғасты. Ел спортшыларының жалпы медаль саны сегізге жетті.
Орталық Азия елдерінің көрсеткіші:
Санжар Әділов пен Әсел Қанай жүлде алды
Екінші жарыс күнінде Қазақстан қоржынына екі медаль түсті. ММА шебері Санжар Әділов 65 келі салмақта қола жүлдегер атанды.
Ал каратэші Әсел Қанай 61 келіге дейінгі салмақ дәрежесінде финалға дейін жетіп, күміс медаль иеленді. Ол ұлттық құрамаға Азия ойындарындағы бесінші алтынды сыйлауға жақын болғанымен, шешуші жекпе-жекте жеңіліп қалды.