Гандболдан Қазақстан әйелдер құрамасы Нью-Делиде (Үндістан) өтіп жатқан Азия чемпионатының топтық кезеңіндегі соңғы кездесуін өткізді.
Отандық қол добы шеберлері Сингапурге қарсы айқын басымдық танытты. Қазақстан құрамасы 39:7 есебімен жеңді, деп хабарлайды Olympic.kz.
Осылайша қазақстандықтар үш ойынның екеуінде жеңіске жетті. Бұған дейін олар Қытайдан (28:26) басым түсіп, Оңтүстік Кореяға (20:30) есе жіберген.
Әр топтан екі команда плей-офф кезеңіне шығады. Қазақстанның топтық кезеңдегі орны Оңтүстік Корея мен Қытай арасындағы матч нәтижесіне байланысты анықталады.
