Оларды Олимпиада жүлдегері Әділбек Ниязымбетов ажыратпақ болды.
Ақтауда бокстан жасөспірімдер арасындағы ел біріншілігінде жаттықтырушы Ерік Маржықпаев эмоцияға беріліп, бас төреші мен қатардағы төрешіге жұдырық ала жүгірді. Бұл туралы 1bol.kz хабарлады.
Төреші мен бапкер арасындағы төбелес видеоға түсіріліп, кейін әлеуметтік желіде жарияланды. Оған нақты не себеп болғаны белгісіз. Бір анығы, Маржықпаев бас төреші Бақытжан Бекпенбетовты жұдырық астына алады. Оларды ажыратуға келген тағы бір төреші Ғани Ысқақовқа да соққы тиеді.
Төрешілерді Маржықпаевтың жұдырығынан ажыратуға Олимпиада жүлдегері Әділбек Ниязымбетов пен Олимпиада қатысушысы Ғани Жайлауов келген.
Айта кетейік, Ерік Маржықпаев – бұрынғы спорт министрі Ермек Маржықпаевтың туған ағасы.
