World Boxing халықаралық федерациясы бокстан 2027 жылғы әлем чемпионаты Астанада өтеді деп хабарлады.
Әлем біріншілігі халықаралық жарыстар күнтізбесіндегі ең маңызды оқиға болады. Турнир 2028 жылы Лос-Анджелестегі жазғы Олимпиада ойындары қарсаңында өтеді.
Әлем чемпионатының нақты мерзімі туралы ақпарат кейін хабарланады.
“Қазақстан үшін 2027 жылғы әлем чемпионатын өткізу зор мәртебе. Еліміздің ауқымды спорт жарыстарын өткізуде тәжірибесі бай. Бұл турнирдің де жоғары деңгейде өтетініне сенімдімін. World Boxing ұйымына Олимпиада қарсаңында бізге осындай сенім білдіргені үшін алғысым шексіз, – деді Қазақстанның Ұлттық Олимпиада комитетінің төрағасы, World Boxing Олимпиада комиссиясының төрағасы Геннадий Головкин.
Еске сала кетсек, Қазақстан өз тарихында екінші рет бокстан әлем чемпионатын қабылдағалы отыр. Бұған дейін ерлер арасында ӘЧ-2013 Алматыда өткен болатын.
Ордабасы
Астана
Актобе
Кайрат
Кызылжар
Кайсар
Атырау
Тобол
Жетысу
Шахтёр
Туран
Женис
Елимай
-
