Ақжол Құрманбек Дохада (Катар) жасөспірімдер арасында құрлық чемпионы деген атаққа қол жеткізді.
Отандасымыз 73 келіге дейінгі салмақта үздік атанды.
Ақжол қоссайыс қорытындысында 316 (141+175) келіні бағындырды. Айта кету керек, серіппе көтеруде ол әлем рекордын жаңартты.
Екінші орынды Бобурмирзо Ёкубов (Өзбекстан) — 300 (136+164) кг иемденді. Үздік үштікті Дидарбек Джумабаев (Түрікменстан) — 298 (127+171) кг түйіндеді.
