Қазақстан жасөспірімдер командасы семсерлесуден Бахрейндегі әлем кубогының алтын медалін жеңіп алды.
Командалық жарыста ұлттық құрама намысын Нұржан Әбжанов, Алексей Касаткин, Ғабиден Мұстафин және Кирилл Проходов қорғады.
Ширек финалда семсершілеріміз Сауд Арабиясынан 45:36 есебімен басым түссе, жартылай финалда Қытайды (45:25) оңай жеңді.
Францияға қарсы шешуші матчта отандастарымыз камбэк жасап, небәрі бір ұпай айырмасымен (44:43) әлем кубогының иегері атанды.
Ал қыздар командасы (Каролина Фомина, Кристина Красикова, Наталья Зинякова және Арина Яковлева) төртінші орынға табан тіреді.
