Қазір Қазақстан қоржынында үш алтын, төрт күміс және алты қола медаль бар.
Туриндегі қысқы студенттік ойындарда шорт-тректен аралас эстафетадан Қазақстан құрамасының спортшылары қоржынымызға тағы бір медаль салды. Ел намысын қорғаған Алина Әжіғалиева, Валерий Клименко, Дінмұхамедалдияр Тәжібай, Малика Ермек, Яна Хан мәреге үшінші болып келіп, "қолаға" қол жеткізді.
Жарыстың алтын медалін Оңтүстік Корея командасы алса, күміс қытайлық спортшылардың еншісінде.
Қазір Қазақстан қоржынында үш алтын, төрт күміс және алты қола медаль бар. Жалпы есепте еліміз 12-орында келеді.
Айта кетейік, бүгін дәл осы спорт түрінен Қазақстанның ерлер құрамасы медальға таласады. Жарыс Астана уақытымен 19:30-да басталады.
