UFC-дің жеңілмеген ресейлік файтері Шарабутдин Магомедов (лақап аты — Шара Буллет, 15-0) Сауд Арабиясының Эр-Рияд қаласында 1 ақпанда өтетін UFC Fight Night 250 аясындағы Майкл Пейджге (22-3) қарсы кездесуіне орай баспасөз мәслихатында есте қаларлық сұхбат берді
"Аль-Наср" жаттығуы және Роналдумен жүздесу
Шара Буллет өзінің Сауд Арабиясындағы "Аль-Наср" футбол клубының жаттығуында болып, аңызға айналған Криштиану Роналдумен жеке сөйлескенін мақтанышпен жеткізді.
– Саған "Аль-Наср" жейдесін кім сыйға тартты?
– Таңертең маған "Аль-Наср" командасының жаттығуына қатысуға шақырту келді. Клуб президенті арнайы менің фамилиям жазылған жейдені табыстады. Сол сәтте Криштиану Роналдумен кездесіп, барлық футболшылармен әңгімелестім. Роналдумен ұзақ әңгіме өрбіттік, ол маған өз жейдесін сыйлап, қолтаңбасын қойып берді.
Магомедовтің айтуынша, Роналду 1 ақпанда өтетін жекпе-жегіне келіп, қолдау көрсетуді жоспарлап отыр. Әлемге әйгілі футболшы UFC-ді жіті қадағалайтынын және Шара Буллеттің чемпион атануға барлық мүмкіндігі бар екенін тілге тиек еткен.
UFC Fight Night 250: Магомедов vs. Пейдж
Айта кетейік, көптен күткен Шара Буллет пен Майкл Пейдж арасындағы жекпе-жек осы аптаның бейсенбісінде, 1 ақпанда Эр-Риядта өтеді. UFC-дегі мансабында әлі жеңілмеген ресейлік спортшы бұл жолғы жекпе-жекте өз атын тағы да асқақтатуды көздейді.
Роналдудың футболдағы мансабы
Криштиану Роналду 2023 жылдан бері Сауд Арабиясының "Аль-Наср" командасында өнер көрсетеді. Бұған дейін 39 жастағы португалиялық шабуылшы лиссабондық "Спортинг", ағылшындық "Манчестер Юнайтед", мадридтік" Реал" және туриндік "Ювентус" клубтарында ойнап, әлем футболының аңыз ойыншысы атанды.
Ордабасы
Астана
Актобе
Кайрат
Кызылжар
Кайсар
Атырау
Тобол
Жетысу
Шахтёр
Туран
Женис
Елимай
-
