Танымал қазақстандық волейболшы, өткен маусымда Индонезияның "Yogya Falcons" клубында өнер көрсеткен Сәбина Алтынбекова жанкүйерлерінің болашаққа қатысты сұрақтарына жауап берді.
Желі қолданушыларының бірі волейболшыдан келесі маусымдағы жоспарларын сұрады.
— Келесі маусымда қай клубта ойнайсыз?
— Қайда ойнайтынымды кейінірек айтамын, әзірге ойлану үстіндемін. Бірақ Индонезияда маған өте қатты ұнады, — деп жауап берді Сабина Instagram Stories-те.
Тағы бір жанкүйер он жылдан кейін өзін қалай елестететінін сұрады.
— Өзімді табысты бизнесвумен, керемет балалардың анасы және бақытты әйел ретінде көремін (қазіргі кезде мен бақытты қызбын), — деп жазды Алтынбекова.
Еске сала кетсек, жақында Сабина Алтынбекова кәсіпкер Саят Салманұлымен ажырасқанын растады.
— Иә, мен ресми некеде болдым және қазір заңды түрде ажырастым. Бұл туралы көп сұрақ болды, бірақ осы жерден бұл тақырыпты жабамын, — деген еді спортшы.
