Пекинде өтіп жатқан әлем чемпионатында қазақстандық шорт-трекші Әділ Ғалихметов 1500 метр қашықтықта жартылай финалға жолдама алды.
Шорт-трек бойынша әлем чемпионаты Қытай астанасы Пекинде басталды. Бұл жарыста әлемнің үздік конькишілері жүлде үшін таласып жатыр.
Ерлер арасында 1500 метр қашықтыққа жүгірудің іріктеу кезеңі өтіп, жарыстың ширек финалдық кезеңінде Қазақстан намысын қорғаған Әділ Ғалихметов сенімді өнер көрсетті. Ол өз тобында екінші орын алып, жартылай финалға тікелей жолдама алды.
Қазақстандық тағы бір шорт-трекші Глеб Ивченко өз жарысында үшінші орын иеленді. Ол жартылай финалға бірден өте алмағанымен, әлем чемпионатында медаль үшін күресін жалғастыру мүмкіндігіне ие. Ивченко енді жұбаныш раундта бақ сынайды. Егер ол бұл кезеңде жоғары нәтиже көрсетсе, жартылай финалға шығу мүмкіндігі сақталады.
