Қазақстандық ММА жауынгері әлеуметтік желіде белсенділік танытты.
Ол достық пен ұлттар арасындағы бірлік туралы ойын айтты.
«Ең алдымен, менің сөзімді елім естісін деймін. Бізде ешкім тілге, ұлтқа бөлінбеуі керек. Қазақстанда 130-дан астам ұлт өкілі өмір сүреді. Өзім азербайжан, күрд, орыс, украин, түрік, өзбек, қырғыз көршілердің арасында өстім. Бәріміз бала кезден бір аулада ойнадық. Менің алғашқы каратэ бапкерім — украин, күрес жаттықтырушым — орыс, ал басқа бапкерлерім әртүрлі ұлттан еді», — деді файтер.
Хамитовтың айтуынша, бұл тек Қазақстанға емес, бүкіл ТМД елдеріне де қатысты ой.
«Барлық елге айтарым — ата-бабамыздың рухына құрмет ретінде бір-бірімізді жақсы көрейік. Мектепте оқыған кезде бізге айтатын: 1945 жылы бір қарумен төрт түрлі ұлттың жауынгері соғысқан. Олар бір окопта отырып, кезекпен оқ атып, жеңіске жеткен. Сол бабаларымыз бірліктің арқасында өмірін қиды. Олар біз бір-бірімізді тіл, түс немесе ұлт үшін жек көруіміз үшін соғысқан жоқ», — деді ол.
Айта кетейік, 23 қазанда Қуат Хамитов Дубайда өткен ACA 194 турнирінде ресейлік файтер Анатолий Бойконы (12-4) сенсациялық түрде жеңіп, жанкүйерлердің зор қолдауына ие болды.
