5 қараша күні Қазақстанның ең танымал волейболшысы Сәбина Алтынбекова 29 жасқа толды. Бұл қуанышты күнде спортшы өзінің жанкүйерлерімен жылы сөздерін бөлісті.
Сәбина туған күніне арналған жазбасын Instagram парақшасында жариялап, өмірі мен жақындары жайлы ой толғады.
«Өмірімнің жыл өткен сайын жарқырап, бақытқа толып келе жатқанына Аллаға шүкір. Мені әрдайым қолдап, сенім білдіріп жүрген сүйікті отбасым — ата-анама және жақындарыма алғыс айтамын. Өмірімнің бір бөлігі болған әр адамға рақмет», — деп жазды волейболшы.
Сәбина Алтынбекова өз есімінің шығу тарихына да тоқталып, ата-анасына қызықты әрі мәнді өмір сыйлағандары үшін алғысын білдірді.
Өзін «бақытты әрі жігерлі мінезін сақтап қалған қыз» деп сипаттаған спортшы жаңа жасын үлкен шабытпен қарсы алды.
«Қош келдің, сүйікті 29 жас! Алда — одан да жақсы, мол және бақытты күндер болсын», — деп түйіндеді ол өз жазбасын.
