Айбек пен Нұрбек Оралбай Ташкенттегі оқу-жаттығу жиыны кезінде әйгілі өзбек алып боксшы Баходир Джалоловтың үйіне арнайы барып, анасымен кездесіп қайтты.
Ұлттық құрама Ташкенттегі оқу-жаттығу жиыны кезінде екі дүркін Олимпиада чемпионы Баходир Джалоловтың шаңырағында қонақ болды.
Онлайн желіде тараған бейнежазбада құрама көшбасшылары Айбек пен Нұрбек Оралбайдың даңқты боксшының анасын ерекше құрметпен қарсы алғаны көрініс тапты.
Қазақ боксшылары Баходирдің анасына көрікті гүл шоқтарын сыйлап, ілтипат білдірді. Кадрларда анасының қонақтарға шын жүректен алғыс айтып, әрқайсысын бауырына басып, беттерінен сүйген сәті көрсетілген..
Ташкентте өтіп жатқан оқу-жаттығу жиындарына бір ғана Қазақстан емес, сонымен қатар Өзбекстан, Қырғызстан, Таиланд құрамалары да қатысып жатыр.
Бұл бірлескен спаррингтер мен дайындықтар 19 қарашадан басталған. Мұндай жиындар Азия боксындағы басты фавориттердің деңгейін одан әрі өсіріп, алдағы халықаралық турнирлер мен Олимпиада лицензиялық жарыстарына сапалы дайындалуға мүмкіндік береді.
