Сөйтіп Біріккен Араб Әмірліктеріндегі жобаларға қаржы құймақ.
Аралас жекпе-жектен бұрынғы әлем чемпионы Хабиб Нурмагомедов Ресейдегі бизнес активтерін толықтай сатып, Біріккен Араб Әмірліктеріндегі (БАӘ) жобаларға инвестиция бағыттағаны белгілі болды. Бұл туралы Mash телеграм-арнасы хабарлады.
Дереккөз мәліметінше, 2025 жылы спортшы Ресей аумағындағы кәсіпкерлік қызметін тоқтатып, барлық қаржылық міндеттемелерін жапқан. Бұған дейін Нурмагомедовтің Федералдық салық қызметімен байланысты мәселелерге тап болғаны хабарланған еді.
Соңғы бес жылда ол:
Сонымен қатар, Нурмагомедов Eagles жекпе-жек клубын кәсіпкер Зиявудин Магомедовке берген. Ақпаратқа сәйкес, аталған ұйымның 16 есепшоты салық тәртібін бұзуына байланысты бұғатталған.
Mash мәліметіне қарағанда, Хабиб Нурмагомедовтің Әмірліктердегі бизнесі қарқынды дамып келеді. Ол KHABIB GYM спорт залдары желісін іске қосып, жыл сайын шамамен 6 млн доллар табыс тауып отыр.
Бұдан бөлек, кәсіпкер Gorilla FC промоушенін 1 млн долларға сатып алып, оның атауын EAGLE FC деп өзгерткен.
Басылымның жазуынша, Нурмагомедовтің Біріккен Араб Әмірліктеріндегі жалпы жылдық табысы шамамен 46–50 млн долларды құрайды.
