Виктор Мозес 24 қаңтар күні "Қайсар" клубының ойыншысы ретінде ресми түрде таныстырылған болатын.
Қызылордалық "Қайсар" клубының ойыншысы, Англия чемпионы Виктор Мозес күтпеген әрекетімен әлеуметтік желіде қызу талқыға түсті.
Әлеуметтік желілерде тараған суреттерге қарағанда, нигериялық футболшы Қызылорда қаласындағы полиграфиялардың біріне барған. Онда ол жеке құжаттарының көшірмесін жасатқан.
Осыны көрген жанкүйерлер таңданысын жасырмай, желіде түрлі пікір қалдыруда.
"Құжат көшірмесін талап еткен шығар"
"Жарайсың, Мозес! Енді санкнижканы қашан өткізесің?"
Айта кетейік, Виктор Мозес 24 қаңтар күні "Қайсар" клубының ойыншысы ретінде ресми түрде таныстырылды. Алайда визалық мәселелерге байланысты футболшы ҚПЛ-дің алғашқы турында ойнай алмады.
Мозес Қазақстан чемпионатындағы алғашқы ойынын "Астанаға" қарсы өткізді. Кездесу тең нәтижемен аяқталды.
