Қазақстандық теннисші Зарина Диас Жапонияның Фукуока қаласында өтіп жатқан ITF W35 санатындағы турнирдің ширек финалына жолдама алды.
Турнирдің екінші айналымында Диас жергілікті спортшы Рика Кикавамен кездесіп, матчты толықтай өз бақылауында ұстады. Ойын небәрі екі сетке созылып, Зарина қарсыласын 6:0, 6:0 есебімен жеңді. Мұндай нәтижені теннисте "баранка" деп атайды — яғни қарсыласқа бірде-бір гейм ұттырмаған жағдай.
Дияс ширек финалда австралиялық теннисші Лизетт Кабрерамен кортқа шығады. Бұл кездесу қазақстандық жанкүйерлер үшін маңызды болмақ, себебі Заринаның қазіргі спорттық бабында екені айқын көрініп тұр.
