Қазақстандық Анна Данилина сербиялық Александра Круничпен жұптасып, АҚШ-тың Кливленд қаласындағы халықаралық турнирдің финалына жолдама алды.
Данилина мен Крунич жартылай финалда чехиялық дуэт Анастасия Децюк / Мириам Шкохпен кездесіп, қарсыластарын екі сетте айқын ұтты: 6:2, 6:4.
Қазақстан-Сербия жұбы матч барысында толық басымдық танытты.
Финалда Данилина мен Крунич Азиядан келген мықты жұп Чжань Хаоцин (Тайвань) / Синью Яньға (Қытай) қарсы ойнайды.
Турнир жеңімпаздары әрқайсысы 11 480 АҚШ долларын иеленеді Сонымен қатар, әр спортшыға 250 рейтингтік ұпай қосылады.
Айта кетейік, Анна Данилина қазір Қазақстанның №1 теннисшісі (жұптық разрядта) саналады. Ол WTA рейтингінде әлемнің үздік ондығына енген – қазіргі орны 10-шы саты.
