Бейбіт Жұқаев Нью-Делидегі беделді ATP Challenger санатындағы турнирде күтпеген нәтиже көрсетті. Ол алғашқы айналымда жарыстың бірінші нөмірлі иесін тізе бүктірді.
Алғашқы айналымда жеребе әлемдік рейтингте 292-орында тұрған Бейбіт Жұқаевты турнирдің басты фавориттерінің бірі, АТР тізімінде 134-орында тұрған австралиялық Дэйн Суинимен жолықтырды.
Кездесудің бірінші сетінде Жұқаев тай-брейкте жеңіліп қалды. Алайда одан кейін ойын тізгінін толық өз қолына алып, екі сет қатарынан сенімді түрде басым түсті — 6:2, 6:2.
Осылайша Жұқаев қиын сәтте мінез көрсетіп, басты фаворитке қарсы керемет камбэк жасап, турнирдің ең үлкен сенсацияларының біріне айналды
Бұл қарсыластардың бұған дейінгі матчтарын қоса есептегенде жеке кездесулердегі есеп 2:0 болып, қазақстандық теннисшінің пайдасына өзгерді.
Енді Бейбіт Жұқаев турнирдің екінші кезеңінде Грекия өкілі Стефанос Сакелларидиспен ракетка түйістіреді.
