Қазақстандық боксшылар Балауса Мұздыман мен Ангелина Лукас арасындағы жекпе-жек өтпейтін болды. Бұл туралы Мұздыманның менеджері Уля Мұсаханова пікір білдіріп, басты себепті атады.
Уля Мұсаханованың айтуынша, Fight Nights ұйымының басшысы Камил Гаджиев ұсынған 50 мың долларлық гонорарға қарамастан жекпе-жектің болу ықтималдығы өте төмен.
"Мен бұл жекпе-жек болады деп сенбеймін. Ангелина бір кездесуден әлдеқайда көп табыс табады. Ол Балаусамен ауыр айқасқа не үшін шығады, егер сол ақшаны жарнамалық келісімшарттан-ақ таба алса? Ол өз жолында нық тұр, қаржы жағынан да жақсы жағдайда", — дейді Мұсаханова.
Менеджердің сөзіне қарағанда Лукастың командасы келіссөздерге мүлдем қызығушылық танытпаған.
"Біз бұл жекпе-жекті ұйымдастыру үшін біраз әрекет жасадық. Бірақ Ангелина жағынан ешқандай жауап болмады. Сондықтан бұл кездесу үлкен ықтималдықпен болмайды", — деді Уля Мұсаханова.
Соған қарамастан Балаусаның командасы жаңа маусымға жоспар құруын жалғастырып келеді. Алдағы уақытта ол тағы бір жекпе-жекке шығып, одан кейін титулдық айқастарға жол ашатын бірнеше кездесу өткізуді көздеп отыр.
Мұздыман мен Лукас арасындағы даулы қарым-қатынас 2023 жылы VI жазғы Қазақстан Спартакиадасының ширек финалында басталған. Сол кезде 54 келіге дейінгі салмақта олар жылдың үздік жекпе-жегін өткізген. Жеңімпаз ретінде Мұздыман танылған соң, Лукас төрешілердің әділетсіздігіне наразылығын білдірген.
