Келесі айдың басында мексикалық боксшы Сауд Арабиясында кезекті рет шаршы алаңға шығады.
WBC, WBA және WBO чемпиондық белбеуіне мексикалық Сауль Альварес 3 мамыр күні Эр-Риядта кубалық Уильям Скуллмен жұдырықтасады. "Канело" бұл жекпе-жегіне Роналдуды арнайы шақырып отыр.
«Ол келуі керек. Оның ұлы менің жанкүйерім. Бұл туралы біз сөйлескенбіз. Егер Роналду осында болса, жаттығуымды да, жекпе-жегімді де тамашалайды», – деді Альварес журналистерге берген сұхбатында.
Егер Сауль Альварес бұл жекпе-жекте жеңіске жетсе, ол екінші орта салмақта екі дүркін абсолютті чемпион атанбақ. Бұл — бокста сирек кездесетін тарихи жетістік.
Айта кетейік, Криштиану Роналду бұған дейін қазақстандық боксшы Геннадий Головкинді де жоғары бағалайтынын бірнеше рет айтқан. Олар арнайы кездесіп, бір-біріне құрмет көрсеткен.
