Қазақстанда туған бірақ Әзербайжанның намысын қорғап жүрген аралас жекпе-жек шебері Рафаэль Физиев (13-4) Бакудегі UFC турнирінде керемет жеңіске жетті.
Физиев UFC on ABC 8 турнирі аясында Чили елінен келген Игнасио Бахамондеспен (17-6) жекпе-жекке шықты. Жеңіл салмақтағы бұл кездесу үш раундқа жоспарланды. Алайда Физиев қарсыласына еш мүмкіндік бермей, төрешілердің бірауызды шешімімен (30-27, 30-27, 30-27) айқын жеңіске жетті.
Осылайша Рафаэль Физиев кәсіпқой мансабындағы 13-жеңісін тіркеді. Ал Бахамондес үшін бұл – алтыншы жеңіліс. Физиевтің техникалық дайындығы, шабуылдағы белсенділігі және тактикалық шеберлігі — жеңістің басты кілті болды.
