Вьетнамда 17 жасқа дейінгі спортшылар арасында грек-рим күресінен Азия чемпионаты жалғасып жатыр. Турнирде Қазақстан мен Өзбекстан құрамаларының тартысты кездесулері көрермен назарын аудартты.
Жеңіл салмақта (45 кг дейін) ел намысын қорғаған Қуанышбек Жаңажол финалда Фарид Каромовты (Өзбекстан) 10:2 есебімен айқын басымдықпен жеңіп, алтын медальді қоржынға салды.
Бірақ ауыр салмақта (92 кг дейін) өзбек спортшысы Фахрикамол Комилжонов Әділет Тойшыны 9:4 есебімен жеңіп, реванш алды. Бұл бәсекеде де тартыс мықты болғанымен жеңіс көршілерге бұйырды.
Тағы бір алтын медаль ел қоржынына 48 келі салмақ дәрежесінде келді. Нұрдәулет Құмарұлы финалда үндістандық Адития Джадхавты 8:0 есебімен жеңіп, шеберлігін дәлелдеді.
