Жалғас Жұмагұлов тарихи жеңісінен кейін мәлімдеме жасады

Қазақстандық MMA спортшысы Жалғас Жұмағұлов OKTAGON лигасында чемпиондық белбеу иеленіп, Еуропа промоушенінде жеңіске жеткен алғашқы қазақ файтері атанды.

Тарихи жеңіс

Өткен демалыста Германияда өткен турнирде 36 жастағы Жалғас Жұмағұлов OKTAGON лигасының чемпионы Бено Адамияны (Грузия) төрешілер шешімімен жеңіп, чемпиондық белбеуді иеленді.

Бұл — қазақстандық спортшылар тарихында тұңғыш рет Еуропаның үздік MMA лигаларының бірінде чемпион атану. OKTAGON — Еуропадағы ең ірі промоушен, әлемнің ТОП-10 лигасының қатарына кіреді.

«Бұл – тек бастамасы»

Жеңістен кейін Жұмағұлов әлеуметтік желідегі парақшасында мансабын аяқтамайтынын мәлімдеді:

«Тағы бір мақсат орындалды! Бірақ бұл тек бастамасы ғана», – деп жазды ол Instagram желісінде.

Жалғас Жұмағұлов 2020–2023 жылдар аралығында UFC-де өнер көрсетіп, әлемдік аренада ысылған. Алайда соңғы жекпе-жекте Джошуа Ваннан ұтылып, UFC-пен келісімшарты тоқтатылды.

Одан кейін:

• Екі жекпе-жекті Naiza лигасында өткізді;
• Еуропаның ең беделді ұйымдарының бірі OKTAGON-пен келісімге келді;
• Алғашқы жекпе-жегінде Уэльстен келген Аарон Эйбиді (16-10-1) жеңді;
• Жеңіске бір ай қалғанда жаттығу кезінде жарақат алып, көзінен жеңіл жарақат алған болатын.

OKTAGON туралы не білеміз?

1. Лига 2016 жылы Oktagon Challenge реалити-шоуының аясында құрылған;
2. Турнирлер негізінен Чехия мен Словакияда өтеді;
3. Жәлғас чемпион атанған жарыс Германияда ұйымдастырылды;
4. OKTAGON бүгінде әлемдегі ең үздік 10 MMA лигасының бірі саналады.