Болгарияда жасөспірімдер арасындағы әлем чемпионатының финалы Қазақстан мен Өзбекстан арасындағы тартысты жекпе-жекпен аяқталды.
Қазақстандық балуан Камиль Куруглиев 92 келі салмақ дәрежесінде әлем чемпионатының күміс жүлдегері атанды. Финалда ол өзбекстандық Шерзод Поёновпен белдесіп, 2:3 есебі айырмашылығымен ұтылып қалды.
Бұл жеңіліс өкініш тудырғанымен Куруглиевтің көрсеткен өнері қазақстандық жанкүйерлер үшін үлкен мақтаныш болды.
Бұған дейін жас балуандарымыз үш қола жүлде жеңіп алған еді:
Бұл медальдар Қазақстан құрамасының жалпы табысын толықтыра түсті.
Команданың басты сенсациясы – 18 жастағы Едіге Қасымбектің жеңісі болды. Ол ауыр салмақта (125 келі) финалда ирандық Аболфазл Мохаммад Мохаммаднежадты 4:1 есебімен тізе бүктірді. Осылайша Қасымбек U20 жас санатында әлем чемпионы атанды.
