Fight Nights президенті Камил Гаджиев 2026 жылғы Гран-при турнирлеріне қандай қазақстандық спортшыларды тартуды жоспарлап отырғанын айтты.
Fight Nights президентінің айтуынша, Гран-приға қазақстандық бірнеше спортшыларды шақыру мақсатында бар екен:
«66 келіде — Жұман Жұмабеков. 61 келіде — Жалғас Жұмағұлов, егер Қазақстанды айтатын болсақ. Бұл жай ғана формалдылық болмайды. Олар шынымен жекпе-жекке шығады. 84 келіде — Нұрғали Нұрғаипұлы. Бұл жігіттер бәсекелестік тудырады», — деді Камил Гаджиев.
35 жастағы Жұмабековтың ММА-дегі көрсеткіші — 15 жеңіс пен сегіз жеңіліс. Ал 32 жастағы Нұрғаипұлы үш жеңіс пен екі жеңіліске ие. Жұмағұловтың еншісінде 18 жеңіс және тоғыз жеңіліс бар. 37 жастағы Жұмағұлов қазіргі уақытта Oktagon MMA лигасының ең жеңіл салмақтағы чемпионы.
Еске салайық, Жалғас Жұмағұлов UFC-де 2020-2023 жылдар аралығында өнер көрсеткен болатын. Осы уақыт ішінде ол жеті жекпе-жек өткізіп, бір жеңіс пен алты жеңіліс тапты. Дегенмен, көптеген сарапшылар мен жанкүйерлердің пікірінше, кейбір жекпе-жектерде төрешілердің шешімдері әділетсіз болған.
