Алматыдағы Octagon 81 турнирінде қазақстандық аралас жекпе-жек шебері Аян Тұрсын (7-1) тамаша жеңіске жетті.
Аян Тұрсын қырғызстандық Динара Жолчубайкызына (3-2) қарсы жекпе-жек өткізді. Минималды салмақтағы айқас ұзаққа созылмады. Қазақстандық файтер бірінші раундта техникалық нокаутпен жеңіске жетті.
Бұл жекпе-жек Аян Тұрсынның кәсіби мансабындағы сегізінші жеңісі болды. Ал Динара Жолчубайкызы үшін бұл – үшінші жеңіліс.
Айта кетсек, Аян Тұрсын — Қазақстаннан UFC-ге өтуге үміткер спортшылардың бірі. Бұған дейін ол қырғыз спортшысы Фарида Абдуеваға (5-1) күтпеген жерден жол берген.
